Ar gevredigezh
E miz C’hwevrer 2016 eo bet diskleriet ar gevredigezh “MLK-Gwened”. Ur gevredigezh a-stroll eo, hervez lezenn 1901. Amañ e kavit he statudoù hag he reoliadur diabarzh. Krouiñ ar moneiz lec’hel eo pal nemeti ar gevredigezh. Ur framm all a vo krouet ur wech ma vo eus ar moneiz lec’hel.
E miz Gwengolo 2015 eo kroget ur strollad keodedourien d’en em vodañ ha tamm-ha-tamm e kresk an niver a berzhidi.
Da gentañ en deus kinniget pep hini ar pezh a zegase anezhañ/anezhi d’en em ouestlañ er raktres. Liesseurt e oa an abegoù mat kavet e veze alies:
- Harpañ adlec’hiadur an armerzh ;
- Kreñvaat al liammoù etre an obererien lec’hel en
eur zoujañ ouzh an Natur hag ouzh an Den ; - Sevel en un doare demokratel, ur gevredigezh
kengret, lec’h ma vo :- dasparzhet gwelloc’h ar binvidigezh lec’hel,
- kenderc’het hag implijet er vro madoù
heberzh ha yac’h, - doujet ouzh ar madoù boutin ;
- Evit skoazellañ al liesseurted sevenadurel.
Adalek ar preder-se eo bet krouetur gevredigezh evit kas ar raktres moneiz da benn.
E miz C’hwevrer 2016 eo bet skrivet ar statudoù ha diskleriet ar gevredigezh er prefeti.
E miz Meurzh ez eus bet kadarnaet ur reoliadur diabarzh.
E ti ar c’hevredigezhioù e Gwened eo staliet sez ar gevredigezh.
Ezel eo MLK-Gwened eus rouedad Gall ar moneizioù lec’hel klokaat ha keodedour. Kemer a ra perzh e emvodoù ar rouedad-se.
A-stroll ha dre e vez kemeret an divizoù gant MLK-Gwened, gant an holl dud a gemer perzh en emvodoù-. Rannet e vez ar giriegezh etre an holl izili.
Bep 4re Lun ar miz e vez dalc’het an emvodoù-meur, etre 6eur hanter hag 8 eur noz, e ti ar c’hevredigezhioù e Gwened. Aze e vez kemeret an divizoù. D’al Lunoù all e vez aozet stalioù-labour evit labourat war temoù resis.
En holl ez eus bet aozet 56 emvod abaoe miz Gwengolo 2015. Etre 6 ha 10 den a zo dre vras.
Ar pezh a zo bet graet dija
Diazez karta ar moneiz o tont
Un destenn a zo bet skrivet e miz Meurzh 2016. Diazez karta ar framm e vero ar moneiz e c’hello bezañ. Enni e kaver talvoudoù ar raktres ha palioù ar moneiz a fell deomp krouiñ. Implijerien ar moneiz a ranko doujañ outi.
Skorioù kehentiñ
Skorioù kehentiñ a zo bet krouet gant ar gevredigezh: follenn-pleg, lec’hien internet, … Kelaouiñ ar bed tro-dro (bevezerien, dilennidi, tud a vicher, kevredigezhioù, …) ez eus ur raktres ha displegañ anezhañ a oa ar pal.
Termeniñ an tiriad
Dibabet eo bet an dachenn lec’h ma redo ar moneiz e miz Here 2016. Tachenn an etrekumuniezh “Mor-Bihan – Tolpad Gwened” eo.
Dibab anv ar moneiz
Ur galv da ginnigoù a zo bet aozet e mie Du 2016 evit kavout anv ar moneiz. Betek an 31/12/2016 e c’helle pep hini kinnig an anv a blije dezhañ/dezhi, gant ma veze doujet ouzh reolennoù ‘zo: 3 silabenn d’ar muiañ, ul liamm gant an tiriad, greskanv ebet.
137 kinnig a zo bet resevet.
Adalek al listennad-se ez eus bet rakdibabet 6. War ar 6 anv-se eo bet lakaet an dud da votiñ da vare Forom Sokial Sine e miz Genver 2017.
78 den o deus kemeret perzh er votadeg. An anv BIZH a zo bet dibabet. Setu an disoc’hoù klok:
- Al Lur : 44 mouezh (18,80%) ;
- Al Lien : 22 (9,40%) ;
- Ar Stern : 36 (15,38%) ;
- Ar Gwened : 23 (9,82%) ;
- An Ilur : 40 (17%) ;
- Ar Bizh : 69 voix (29,48%).
Teuzidigezh ebet
Dibabet eo bet chom hep lakaat talvoudegezh ar moneiz da zigreskiñ gant an amzer.
Mataatdur ebet
Dibabet eo bet chom hep profañ arc’hant pa vez eskemmet euroioù a-enep ar moneiz lec’hel.
War ar stern
Kalzig a eskemmoù a zo kroget etrezomp ha n’int ket bet klozet c’hoazh:
- Gratadur ar pourchaserien : daoust hag e vo lakaet kriterioù evit dibab ar pourchaserien? Ha peseurt-re?
- Feur adeskemm : daoust hag e vo dalc’het ur sammad bennak pa vo kemmet en-dro ar moneiz lec’hel e euroioù? Pegement?
- Skodenn : pegement a vo goulennet digant izili ar gevredigezh (bevezerien ha pourchaserien) ?
- Font gwarantiñ: da biv e vo fiziet an euroioù eskemmet e moneiz lec’hel (redi hervez lezenn)? daoust hag e vo arc’hantaouet raktresoù zo gant an arc’hant-se, ha peseurt re ?
- Burev eskemm : pelec’h e vint staliet ha pet a vo ?
- Ar rouedad : penaos krouiñ ur rouedad stank ha liesseurt a-walc’h evit lakaat ar moneiz da redek ?
- Penaos e vo arc’hantaouet ar raktres?
- Peseurt darempredoù gant ar raktresoù moneiz lec’hel tro-dro deomp (An Alre, Ar Roc’h Bernez, Kistreberzh, Ploermael, An Oriant)?
- Asambles gant studierien UIT Gwened e labour MLK-Gwened evit krouiñ ur rouedad kevelerien.
Événements auxquels nous avons participé
- 21 ha 22 a viz Du 2015 : emvod ar rouedad moneizioù lec’hel
- 30 a viz Genver 2016 : atalier e FLS Sine
- 24 a viz Meurzh 2016 : Kinnig ar raktres da Pôle E2S Bro-Gwened
- 21 a viz Ebrel 2016 : Emvod en Alre gant raktresoù An Alre ha Kistreberzh
- etre ar 14 hag ar 16 a viz Mae 2016 : lkejadenn gant rouedad ar moneizioù lec’hel
- 19 a viz Mae 2016 : kejadenn gant raktresoù all e Breizh
- 4 a viz Even 2016 : Stand e kêriadenn Alternatiba en Alre
- 5 a viz Even 2016 : Stand e gouel al laez bio e Teiz
- 8 a viz Even 2016 : Kinnig ar ralktres da heul ar film Warc’hoazh
- 19 a viz Even 2016 : Stand e festival ar gwez e Kerstéphanie (Sarzeau)
- 18 a viz Gwengolo 2016 : devez atalieroù ha tabutoù
- 20 a viz Gwengolo 2016 : stand er mac’had bio « Bio et local, c’est l’idéal », e Sant-Teve
- 24 ha 25 a viz Gwengolo 2016 : stand e Foar bio de Muzilheg.
- 13 a viz Du 2016 : Stand e « Climat de fête » aozet gant Clim’actions.
- 19 a viz Du 2016 : Kemer perzh e emvod Algam
- 28 a viz Genver 2017 : Forom Sokial Lec’hel Sine
Pennadoù er c’hazetennoù
- 29/01/2016 : NOISE ESCP Europe.
- 31/01/2016 : les infos du pays gallo .
- 01/02/2016 : le télégramme FSL 2016 e Sine.
- 01/02/2016 :Radio Bro Gwened FSL 2016
- 21/02/2016 : Ouest France , diwar-benn ar Galais
- 19/09/2016 :Ouest France da heul devez an 18/09/2016.
- 10/10/2016 : Ya !
- 19/11/2016 :Ouest-France da heul emvod Algam
- 20/11/2016 : Ouest-France Entreprises Algam
- 28/11/2016 : Ouest-France galv da ginnigoù evit an anv
- 02/12/2016 : le Télégramme galv da ginnigoù evit an anv
- 02/12/2016 : RCF
- 05/12/2016 :Radio Bro-Gwened.
- 31/01/2017 :Le Télégramme FSL 2017