Dizoloit ar bilhiji!

Ar strollad en deus dibabet paperennoù liesliv, a-genfeur gant o zalvoudegezh. Suraet eo ar bilhedoù gant un hologramm, ur paper neudennek, un niverenn anaout hag ul liv arbennik a vir falsañ anezho.
An dodennoù livet war an tu reizh a zo : pradoù deñved (0,5), dudioù ar Mor Bihan (1), treuzkas anaoudegezh diwar-benn ar gwenan (3), ar gremmoù nevezadus (5), an arzoù bev (10), ha marc’had ar c’henderc’herion lec’hel (20). Tresadenn an tu gin a arouezh ar c’henvevañ.
Fabien Salmon, arzour liver ha treser e Teiz-Noalou, en deus krouet an tresadennoù. Fellout a rae dezhañ kemer perzh en ur raktres sokial ha kengret war e diriad ha difenn talvoudoù divezel o kinnig e arz evit servij ar geodedourion. Diskouezet en deus e zresadennoù kentañ e gwenn ha du e-doug  emvodoù sizhuniek MLK Gwened, ha livet anezho da c’houde, evit o buhezekaat.

Kemenn d’an dastumerion

Evit respont d’an dastumerion, MLK Gwened he deus lakaet pemzek moul “collector” a-gostez. Eno e kaver pemzek rummad kentañ ar paperennoù, holl mat da implij met ket troc’het : 2 bilhed 0,5 ; 3 bilhed 1 ; 3 bilhed 3 ; 2 bilhed 5 ; 1 bilhed 10 hag 1 bilhed 20, a dalvez en holl 53 Bizh (gwelout skeudenn). Pep moul a zo niverelet eus 1/15 betek 15/15 ha sinet gant an arzour. Tu ‘zo deoc’h dibab an niverenn a blij deoc’h e-touez ar re a chom. Pep moul “collector” a zo gwerzhet 100 €. Ma ‘z hoc’h dedennet, e kinnigomp deoc’h mont e darempred war-eeun gant Fabien Salmon : www.fabiensalmon.fr / 06 50 53 43 89 / fabiensalmon3 AT yahoo.fr.

Kil-sell war ar bloavezh 2016-2017

Izili MLK-Gwened a ra un ehan etre an 11 a viz Gouere hag ar 27 a viz Eost. Ret eo diskuizhañ rak labour a vo en diskar-amzer a-benn lakaat ar Bizh en amred e dibenn miz Genver 2018 !

Devoudus eo bet dibenn 2016

E miz Here 2016 eo bet divizet ez amredfe ar moneiz en etrekumuniezh nevez “Morbihan-tolpad Gwened”.

Etre miz Du 2016 ha miz Genver 2017 an anv — Bizh — a zo bet dibabet evit ar Moneiz Lec’hel Klokaat Keodedel e-pad Forum Kevredigezhel Lec’hel 2017. Emvod-meur an 22 a viz Mae 2017 en deus gwiriekaet rumm benel ha logo ar Bizh .

Ur stur-follenn evit 2017

Ur stur-follenn a zo bet krouet en doare da lakaat ar Bizh en amred e miz Genver 2018, e-doug an 10ved Forum Kevredigezhel Lec’hel. Bodadoù-labour a zo bet krouet evit se :

Ar bodad kehentiñ a bleustr war ar steuñv kehentiñ hag identelezh gweled ar Bizh. Prientet en deus ur follenn-bleg nevez a vo dasparzhet an diskar-amzer-mañ. Ul load nevez gouestlet d’ar Bizh a zo war ar stern.

Tresadennoù ar bilhedoù a vo kinniget d’an distro.

Ar bodad rouedad en deus kejet gant kalz tud a vicher. Ur strolladig studierien GEA IUT Gwened en deus kroget un emklask evit resisaat ar pezh a c’hortozent. Ma ‘z oc’h a vicher ha dedennet, e c’hellit mont e darempred ganeomp.

Ar strollad kalvezel en deus graet ur rakkellidsteuñv evit 2018-2020. Live an dellezad dastroadur, ar skodennoù da zont evit ar preveziaded hag evit an dud a-vicher, argerzhad gratadur an dud a vicher, a zo bet divizet ivez.
Emañ o studiañ ar c’hudennoù bank. An holl poentoù-se a vo gwiriet d’an distro. Da c’houzout : ar Bizh ne gollo ket eus he dalvoudegezh, ha ne vo ket a vatadenn.

E-doug ar bloaz-mañ, MLK-Gwened en deus kinniget e raktres da geñver meur a emvod-breud foran ha dirak meur a gevredigezh lec’hel.

Labour evit diskar-amzer 2017

Chom a ra labour, dreist holl :

  • gwiriekaat karta ar Bizh ha reolennoù ezeladur ar preveziaded hag an dud a vicher ;
  • luskañ load ar Bizh hag ar skorioù kehentiñ nevez ;
  • sevel ar rouedadoù tud a vicher kentañ ;
  • brudañ gwelloc’h ar Bizh ha prientiñ he amred da geñver ar FKL 2018…

… setu ar pazennoù brasañ ! Ur bern traoù all a zo da ober ivez.

Sikour a reot kalz ac’hanomp ma gomzit eus ar Bizh tro dro deoc’h. Hervez ho c’hoant e c’hellit zoken dont da vezañ kehenter en ho kumun..

Ma ‘z oc’h dedennet gant krouidigezh ar Bizh, deuit d’hon heul er gevredigezh. An distro a vo d’al lun 28 a viz Eost evit un emvod-meur.

Un hañv plijus d’an holl !

Stur-follenn evit lañsañ ar moneiz e miz Genver 2018

image feuille de route Bizh

Ar pal dibabet gant MLK-Gwened a zo lakaat ar Bizh da redek e miz Genver 2018, da vare ar Forom Sokial Lec’hel. Ur sapre defi eo dindan ken nebeut a amzer met spi hon eus e teuimp a-benn!

3 bodad-labour a zo bet krouet evit tizhout ar pal-se, pep hini gant ur stur-follenn: kehentiñ, teknik hag arc’hantaouiñ, rouedadoù.

Deuit d’ar stalioù-labour ma fell deoc’h kemer perzh e unan anezho. Ma ne c’hellit ket dont ez eus tu kas menozioù pe evezhiadennoù dre bostel ivez.

Bodad Kehentiñ

Lakaat e-pleustr steuñv kehentiñ ar moneiz e vo labour ar strollad-se.

Tennad 1 :

  • Branding : identelezh dre gomz ha gweled ar moneiz ;
  • Talvoudoù : re ar garta ;
  • Skeudenn merk : brud ha kompren piv a zo dedennet.

Tennad 2 :

Krouidigezh danvez / kemennadennoù moulet ha war internet evit pep rummad tud.

1) Tud a vicher : Kendrec’hiñ anezho da emelezañ er raktres, petra a c’hellont gounit? Krouiñ ur rouedad a-raok lañsañ ar moneiz.

2) Bevezerien : kelaouiñ ha displegañ perzhioù armoneiz lec’hel e-keñver an euro. Kemer perzh er cheñchamant hag harpañ an ekonomiezh lec’hel. Kaout ur rouedad a-raok kregiñ.

3) Kevelourien / mediaoù : sevel ur dosser evit ar gazetennerien.

Listennad ar pezh a vo krouet : logo Bizh, dépliant, lec’hien internet, pajenn Facebook/Framasphere, skeudenn ar bilhiji, pegsunioù evit ar stalioù, kemennadennoù d’ar gazetennerien, stlenngraferezh  ha videoioù bihan da rannañ war ar rouedadoù sokial.

Tennad 3 :

Skignañ: kazetennoù (paper ha web), radioioù, blogoù, kelaouennoù digoust, panelloù bruderezh digoust ar c’herioù, skritelloù, pajennoù facebook ar mignoned, lizhiri kelaouiñ ar rouedadoù mignon.

Bezañ keveler darvoudoù lec’hel (prezegennoù, redadegoù, gouelioù …).

Moulañ follennoù-pleg / follennoù-nij / skritelloù gant moulerien ekologel.

Notenn : soñjet e vo en dud o deus diaesterioù da welet.

 

Bodad Teknik

Ar pal a zo kas war-raok al labour a-fed mont-en-dro ha sevel ur steuñv arc’hant

A-raok an hañv e vo:

  • studiet meur a vudjed e-keñver priz ar skodennoù, an niver a berzhidi,ar yalc’hadoù, an dispignoù, …;
  • dibabet un aozadur evit ar font gwarantiñ;
  • dibabet ar feur eskemm evit ar pourchaserien;
  • savet ur steuñv arc’hant war 3 bloaz.

Asambles gant ar strolladoù all e vo:

  • skrivet ar garta hag ar reolennoù evit emezelañ;
  • krouet ar bilhiji da voulañ: talvoudegezh, niver, ..

Un tamm diwezhatoc’h e vo:

  • lakaet e-plas ur sistem treuzvankadennoù etre an dud a-vicher;
  • studiet an doare da lakaat an hiniennoù da baeañ en un doare elektronek;
  • prederiet d’ar mod da arc’hantaouiñ raktresoù bihan;
  • prederiet d’an eskemmoù gant moneizioù lec’hel all;
  • prederiet d’an doare da reiñ skoazelloù sokial e Bizh gant ar strollegezhioù lec’hel.

Bodad Rouedad

Sevel ur rouedad tud hag aozadurioù tro-dro d’ar moneiz eo pal ar strollad-mañ.

Asambles gant studierien an IUT e vo labouret. Da gentañ e vo kadarnaet ar goulennaoueg, termenet ar siloù a-raok kas anezhañ. Da heul e vo dielfennet disoc’hoù ar sontadeg. An dra-se a servijo da hentañ hol labour.

Klask a raimp sevel ur rouedad 150 pourchaser a-raok lañsañ ar moneiz, e miz Genver 2018. Kadarnaet e vo ivez ar garta hag ar reolennoù evit emezelañ.

Mont a raimp e darempred gant ar strollegezhioù lec’hel ivez evit gwelet ganto penaos e c’hellont kemer perzh er raktres.

Aozañ a raimp eskemmoù en davarnioù ivez evit lakaat pourchaserien da gejañ gant bevezerien ha gant ar gevredigezh.

Kehentiñ hag identelezh gweled

image com

O krouiñ ur bodad emaomp evit labourat war ar c’hehentiñ hag an identelezh gweled. D’al Lun 6 a viz Meurzh e vo an emvod kentañ.

Da gentañ e vo savet ur “steuñv kehentiñ” evit tizhout pep lodenn eus ar boblañs: bevezerien, tud a-vicher, kevelerien, tud yaouank pe kozhoc’h, paour pe pinvidik, …

Tro-dro d’an anv Bizh e vo ret kehentiñ: follennoù-pleg nevez, skritelloù, peadra da lakaat e-ti ar c’hoñversanted, hag ul lec’hien internet nevez. Evel just e teuio ezhommoù nevez tamm-ha-tamm.

Hizivaet e vo an teulioù a zo eus outo dija hag evit ar re nevez e vo graet gant an identelezh nevez.

Traoù pouezus a vo d’ober ivez: krouiñ ar bilhiji: tresadenn, ment, talvoudegezh, …

Marteze e vo aozet oberennoù e tavarnioù Mor-Bihan – Tolpad Gweed

Setu, kalzig a labour a zo war ar stern! Deuit ganeomp ma blij deoc’h!

Bizh eo anv ar moneiz!

image urne bizh

E miz Here 2016 e oa bet lañset ar preder evit dibab anv hon moneiz lec’hel gant ar pal lakaat ar muiañ a dud da gemer perzh. Meur a stal-labour a zo bet aozet evit termeniñ an doare da zibab anv ar moneiz.

E miz Du eo bet lañset ur galv da ginnig anvioù. Betek an 31 a viz Kerzu e oa tu hen ober: 137 kinnig a zo bet dastumet !

D’an 2 a viz Genver e oa bet pedet an dud o doa kinniget un anv, da reiñ ul listennad eus ar pemp kinnig a blije ar muiañ dezho. Un 20 bennak a anvioù a chome war ar renk. Kaout un dibab 6 anv e fin al labour-se a oa ar pal. Ar memes tra zo bet graet ar sizhunvezh goude. Pep hini a ranke dont gant 3 anv.

Setu ar 6 anv rak-dibabet:

  • Ilur: Un enezenn er Mor-Bihan eo. Perc’hennet eo gant Mirva an aodoù ha meret eo gant Park Naturel Rannvroel ar Mor-Bihan. Klask a ra bezañ ur skouer a fed ekologiezh. Ar ger “ilur” a dalvezfe “lufrus” e brezhoneg kozh. Klevet e vez ivez “lur” hag a zo anv ar moneiz hag ivez ur c’hementad pouezh.
  • Al Lur: Moneiz e talvez e brezhoneg. Un unanenn arc’hant ha pouezh eo ivez. Degas a ra da soñj eo bet ral an danvez e vez graet ar moneiz gantañ e pad pell. Pouezet e veze d’ar mare-se: un unanenn holen, un tamm metal prizius. Ul liamm gant an ekonomiezh gwir a zo gant al Lur.
  • Bizh: Ijinet eo bet adalek ar ger “bise” e galleg. Skrivet eo bet gant ur “zh” evit ober ul liamm gant “Breizh”. Un anv ur silabenn eo, aes da zec’hel soñj eus outi, da zistagañ gant ar vugale ha da zisplegañ d’an dud gour. Pal an anv-se a zo degas soñjoù karantez, mignoniezh, darempredoù sokial sioul. Talvoudegezhioù a fell d’ar raktres moneiz lec’hel dougen. Ar Biz a zo ar 5 tra a zo e-penn an daouarn hag ivez ar roud-avel etre an hanternoz hag ar reter.
  • La Sterne: Anv ul labous bihan eo e galleg. Ul labous tremeniat eo. Ur spesad a zeu da zeusviñ er Mor-Bihan. Tost eo eus ar ger “stern” e brezhoneg.
  • Al Lién: Ur gouel. Gant al lien e c’hell ar bigi mont war raok gant nerzhioù an natur. Setu un ostilh a zo bet talvoudus evit ar Weneted. Ur bern tud a labour tro-dro d’ar bigi dre lien hiziv an deiz er Mor-Bihan.
  • Ar Gwened: Kumun-kreiz an tiriad eo Gwened. Bro-Gwened a zo anv bro hengounel ul lodenn vras eus ar Mor-Bihan ivez. Un doare eo an anv-se da lakaat bro ar moneiz war well diouzhtu.

D’ar Sadorn 28 a viz Gever 2017 eo bet pedet an dud o doa c’hoant votiñ evit an anv, da vare Forom Sokial Lec’hel Sine.

Un tabut a zo bet aozet gant an dud n’o doa ket kemeret perzh en atalieroù.
Meur a wech eo deuet furlukined ar gumpagnunezh Face ô Nez evit degas mouzc’hoarzhoù

les clowns votent

Da 11eur45 eo kroget ar vouezhiadeg. Betek kreisteiz 40 en deus padet evet ma c’hellfe perzhidi all ar FSL kemer perzh ivez.

Dic’hortoz e oa an doare da votiñ: da bep hini ez eo bet roet 3 Kapla. En ur voest, e meur a hini pe e hini ebet e c’helle dasparzhañ an tri Kapla-se.
Da greisteiz hanter eo bet paouezet gant ar vouezhiadeg. Savet eo bet neuze tourioù gant ar c’hapla da c’houzout gant peseurt anv e oa aet ar maout.
Setu disoc’hoù ar votadeg:

  • Al Lur: 44 kapla
  • Al Lien : 22
  • La Sterne : 36
  • Ar Gwened : 23
  • Ilur : 40
  • Bizh : 69

Hollad : 234 Kapla evit 78 voter (234/3 dre ma ‘z eo bet implijet an holl eus an 3 kapla roet da bep hini).

Bizh eo neuze anv moneiz Lec’hel Tolpad Gwened.

N’eus ger-mell ebet da Bizh evit poent. Gant an amzer e teuio unan war well.

Bremañ eo war an identelezh gwelet e labouro MLK-Gwened: al logo, an arouezioù hag ar skeudennoù a vo war ar bilhiji.
Ha dre ma ‘z eo keodedel ar raktres oc’h holl pedet da reiñ o ali!

Tud a-vicher, larit deomp ar pezh a c’hortozoc’h

image fonctionnement MLCC

Ur bern traoù a zo da zibab a-raok lakaat ur moneiz da redek. Lod a zo bet dibabet dija: mataadur, teuzidigezh, tiriad, an anv….

Divizoù all o d’o un efed war ar mont en dro: feur eskemm, priz an emezelañ, font gwarantiñ…

Setu perak e fell deomp e vefe dibabet seurt traoù gant ar re a raio gant ar moneiz.

Ur studiadenn a vo kaset da benn gant studierien IUT Gwened evit gouzout ar pezh a c’hortoz ar pourchaserien eus ar moneiz.

Ma ‘z oc’h un artizan, ur c’hoñversant, un ti-kêr, ur gevredigezh e c’hellit kemer perzh!

Deuit e darempred ganeomp evit laret o soñj: http://www.mlk-gwened.bzh/wp/br/contactez-nous/contact/

Ne vo ket mataet hon moneiz

image bonification-breton

Mataet e vez ur moneiz pa vez roet 21 unanenn moneiz lec’hel en eskemm 20 euro da skouer. Gant an Elef, ar Grain hag ar Bou’Sol e vez graet gant ar sistem-se.Divizet hon eus ne vo ket ur perzh eus hon moneiz.

E Ploermael eo bet lakaet ar sistem-se pleustr e-pad ur miz gant ar spi desachañ implijerien nevez. Merzet o deus ne teue den evit kaout arc’hant ouzhpenn da zispign.
E Chambery (an Elef) o deus paouezet da vataat o moneiz lec’hel ivez dre ma goust ker he ne teu ket an dud da emezeliñ evit seurt abeg.

Tu zo lavaret ivez ne fell ket deomp brudañ hor moneiz gant ar memes doareoù hag ar gourmarc’hadoù.

Derc’hel a ra ar gevredigezh gant he fal stourm a-enep ar baourentez, met gant doareoù all e vo graet.

Dont da vezañ darempredad-ez MLK-Gwened en ho kumun!

correspondants au 2017-12-07

Kartenn hizivaet d’ar 7 a viz Kerzu 2017.

An darempredad-ez a vo, en e gumun/he c’humun, hanterour ar gevredigezh evit :

  • lakaat da anaout raktres ar moneiz lec’hel kevredadel ha keodedel;
  • sikour MLK-Gwened da anaout gwelloc’h ar gumun ( tud, lec’hioù, boazioù);
  • sikour anaout, kizidikaat , enluskañ bevez-oberourien, pourchaserien (tud a vicher) hag all (kevredigezhioù, strollegezhioù…).

An darempredidi ‘zo pedet, kement ha ma ‘z eus tu, da gemer perzh en emvodoù-meur ar gevredigezh (bep pevare lun ar miz) dre ma ‘z int mareoù pouezus kelaouiñ ha divizout.

Emvodoù etre an darempredidi a c’hello ivez bezañ aozet er c’humunioù, en doare da wellaat al liammoù er gevredigezh e-unan.

Er gartenn a-us, ar c’humunioù e-lec’h ma ‘z eus un darempredad-ez pe muioc’h a zo merket gant ur fromlun.

Dedennet oc’h gant raktres ar moneiz lec’hel ?

Daou zibab oc’h eus :

Kejadenn etre Moneizioù Lec’hel Klokaat ha Kevredadel Kornog Frañs en Algam

21 moneiz lec’hel a zo en em gavet en Algam ‘kostez Ploermael d’an 19 a viz Du. Tro 70 a oa er “Champ Commun”, ul lec’h kevredigezhel.

Diouzh ar mintin e oa bet degaset da soñj istor rouedad ar moneizoù lec’hel keodedour e Frañs. Goude-se e oa bet goulennet digant ar perzhidi war petra o doa c’hoant lakaat ar gomz e-pad bodadoù-labour an abardaevezh. A-raok meren eo bet kinniget ar So’Nantes, moneiz an Naoned.

Goude-lein eo bet fonnus an eskemmoù etre an dud a-youl vat. Ar c’hevredigezhioù gant ur moneiz o redek o deus aliet ar raktresoù war ar stern hag ar re-se o deus gellet kavout menozioù.

Ar pezh c’hoari “Dre amañ ar moneiz” a zo bet c’hoariet evit ar wech kentañ goude an devez labour, gant ar gompagnunez La Tribouille. Krampouezh zo bet da goan, sonerezh ha dañsoù da heul.

Trugarez d’an aozerien!

Tu ‘zo lenn ur rentañ-kont ivez war lec’hien moneiz lec’hel Ploermael (Ar Galais).

Peseurt anv evit hor moneiz?

affiche-7-2-final-gersan-breton

Kroget eo ar preder! Aozet e vo meur a emvod evit termeniñ penaos e vo dibabet anv ar moneiz. Un mare e vo evit pep hini da gemer perzh en un doare fetis evit krouiñ ar moneiz. Pep hini a c’hell ober kinnigoù. Graet e vo an dibab en un doare demokratel asambles gant an holl dud o d’o c’hoant reiñ o ali.

Amañ e kavit ar c’hinnigoù bet dastumet dija.

E pad miz Genver ez eus bet dibabet 6 anv en o zouez.

Deuit da votiñ evit ho anv muiañ-karet!

Emgav:

d’ar Sadorn 28 a viz Genver 2017 etre 10eur ha krezteiz hanter
e ti kevredigezhioù Sine

da vare
Forom Sokial Lec’hel ar Mor-Bihan

Kinniget e vo anv anvioù rakdibabet. Un tabout a vo goude-se. Etre 11eur 45 ha 12eur30 e c’hello pep hini votiñ evit an anv ar blij ar muiañ dezhi/dezhañ.

Da 12eur45 e vo roet da c’houzout an anv dibabet da vat!

A hed an devez e c’hellit kejañgant moneizoù lec’hel ar Mor-Bihan war o stand. (etre 10 eur ha 6 eur noz e kantin ar vourc’h).

Evit gouzout hiroc’h :

[hizivaet d’ar 24 a viz Genver 2017]

Ce site utilise des cookies pour son fonctionnement (et non pour vous traquer).Accepter